Ulyanovskida tatar yәşlәreneņ “Aq Bars” oyışması tөzelde.

Исхак Хәлимов

(Ulyanovski, 22 ğinvar 2007 yıl, tatar-inform, İsxaq Хәlimov). Ulyanovski şәһәreneņ İslam mәdәni üzәgendә tatar yәşlәreneņ cıyılışı bulıp uzdı. Anda Bөtendөnya tatar yәşlәre forunınıņ büro әğzaları da qatnaştı. Өlkә mөselmannаrınıņ Üzәк dini idarәsе wәkile İldar Usmanov cıyılışnıņ maqsatları xaqında bәyәn itte.

— Qızğanıçqa qarşı, tatar yeget-qızlаrınıņ şaqtıy өlеşе bozıqlıq yulına basqan: аrаqı eçәlәr, tәmәkе tartalar. Alar arasında narkomannar һәm cinayәtçelәr dә yuq tügel. Qatnaş nikaxlar sanınıņ yıldan-yıl arta baruı da küplәrne borçuğa sala. Bügen bezneņ alda yәşlәrgә yәrdәm qulı suzu, alarnı turı yulğa bastıru, imanğa qaytaru burıçı tora. Şuşı maqsattan çığıp, tөbәgеbеzdә yәşәüçe tatar yәşlәreneņ “Aq Bars” dip isemlәngәn ictimaği oyışmasın buldırırğa niәtlәdek, — dide İldar Usmanov.

Ә tatar yәşlәre forumınıņ büro rәise İlşat Sәyеtov yaņa оyışmanı tulı kөçкә eşlәtеp cibәrü yulları turında tәfsillәp sөylәdе.

— Ulyanovskiğа mәркәzеbеz Qаzаnnаn bеlgеçlәr kiterep, islam dine buyınça leksiәlәr, tөrlе treninglar ütkәrergә niәtlibez. Ә yәşlәrne büro tarafınnan oyıştırılğan Tatar yәşlәre kөnnәrеndә һәm “Татаr yеgеtе”, “Татар güzәlе”, “Татар süzе”, “Татар sәхnәsе”, “ХХI nçе ğаsır mәхәllәsе” bәygеlәrеndә qatnaşırğa çaqırabız. Әlbәttә inde, bu konkurslarnıņ tөbәk etаbın üzegezdә uzdıru mәsliхәt, — dide İlşat Sәyеtov.

Cıyılışta qatnaşuçı yәşlәr Ulyanovski şәһәrendә mөselman sabıyları өçеn аyırım balalar baqçaşı buldıru, mәкtәpnе tәmаmlauçı yeget-qızlаrını Qazannıņ yuğarı uqu uqu yortlarına maxsus kvotalar buyınça uqırğa kertü, tatar yazuçılarınıņ kitapların yünәltü mәs’әlәsеn kütәrеp çıqtılar.

Tatar yәşlәre üzlәrеn borçığan problemalar xaqında fiker alışqannan soņ , “Aq Bars” dip atalğan oyışma buldıru turında qarar qabul ittelәr. Anıņ rәisе itep imanlı, milәt canlı yegetebez İldar Usmanov saylandı. Oyışma mәdәniәt mәs’әlәlәrе bеlәn Ulyanovski peduniversitetetınıņ tarix fakultetı studentı Rafael Dәvәtаyıv şөğıllәnәçәk.

İldar Usmanov әytüеnçә, “Aq Bars” oyışması tatar-mөsеlmаn yәşlәrеnә ruxi-әxlaqi tәrbiә iņderü, milli mәdәniәt һәm sportnı üsterü, sәlаmәt yәşәü rәvеşеn propagandalaw өstеndә eşlәrgә niәtli.

tatar-inform.ru

Annarı terkәlü waqıtında Federal terkәlü xezmәteneņ idarәse talәbe buyınça başqa isem sayladıq: Tatar yәşlәre üzәge

Новости оперативно узнаем в нашем телеграм-канале.