Rossiäneñ tatar yäşläre bezdä qunaqta – “Ömet” gazetası, №29(913), 2007 yıl

Исхак Хәлимов

Uncidençe tapqır oyıştırığan Tatar yäşläre könnärendä häm İdel buyı federal okrugı möselman yäşläreneñ
berençe festivalendä qatnaşuçı 150gä yaqın yeget-qız 18 iyüldä Ulyanovsk şähärendä bulıp kittelär.
Samara qalasınnan kilüçe “Boris Polevoy” teploxodın Ulyanovskinıñ yılğa portında “Sember” xalıq ansamble qızları tatar cır-biyüläre häm çäkçäk, ipi-toz belän qarşı aldılar. Ä gubernator administasiäse, ölkä Xokümäteneñ yäşlär eşe buyıça ministrlığı, cirle milli-mädäni avtonomiä häm töbäk möftiäte wäkilläre tatar-mösemannarı yäşlärenä qaynar sälamnären citkerep, izge säfärlären uñışlı bulın telädelär.

İdel buyı ölkä-respublikalarında yäşäüçe yäşlärneñ şundıy oçraşuların yışraq oyıştırsı ide. Söyenmi mömkin tügel: bu çarada qatnaşuçı yegetlär häm qızlar yäş buınğa ruxi-äxlaqi tärbiä birü yulların bilgeläüne üzlärenä
töp maqsat quyğannar, — dide Ulyanovsk yäşlär eşe buyıça ministrlığı urınbasarı Vyaçeslav Dolgin.
Ä Rossiä tatarlarnıñ milli-mädäni moxtäriäte räise urınbasarı Rimzil Wäliyev Sember qalasında ğomer kiçerüçe millättäşlärebezneñ uñışlarına soqlanuın belderep, älege çarada qatnaşuçılarnı ifrat ta cılı qarşı alğan qunaqçıllıq kürsätäk öçen ölkä avtonomiäsenä räxmäten yulladı.
Annarı möxtäräm qunaqlarnı Ulyanovsk şähäreneñ istälekle urınnarı buyınça ekskursuä kötä ide. Älbättä Lenin Memorial kompleksı häm V. İ. Ulyanov-Leninıñ muzey-yortı Rossiäneñ törle poçmaqlarınnan kilgän yäşlärdä zur qızıqsınu tudırdı.
Ulyanovskinıñ Cämiğ mäçetendä şähärebezneñ tatar-möselman cämäğatçelege wäkilläre belän oçraşu da eçtälekle itep oyıştırılğan ide. Mäçetneñ baş imam-xatıybı Röstäm xazrät Safin ğibadätxanäneñ tarixı tirındatäfsilläp söyläde.
Şöker, namazlarğa yörüçe yäş ir-yegetlär sanı yıdan-yıl arta bara. Bügen şähärebez mäçetlärendä eşläüçe imamnarnıñ da küpçelegen yäşlär täşkil itä,-dide Röstäm xazrät.
Millätpävär yegetez İldar Usmanov Ulyanovskinıñ Tatar yäşläre üzägeneñ eşçänlege belän tänıştırıp ütte.
Bu oyışmanıñ, çınlap ta, ğorurlanıp söyärlek eşläre şaqtıy – yartı yıl eçendä “Min tatarça söyläşäm!”, akisiäse “Tatar yegete” bäygese häm yäşlär öçen Sabantuy bäyräme ülkärergä ölgerdelär. Ölkä
avtonomiäse räise Ramis Safin isä Sember tatarlarınıñ soñğı yegerme yıldağı qazanışları xaqında bäyän itte

İlebezneñ törle poçmaqlarınnan kilgän yeget-qızlar da uy-fikerläre belän urtaqlaşlılar.
“Boris Polevoy” teploxodı Semberdän Tatarstannıñ Alabuğa şähärenä yul tottı

Ruziä Xälimova

Новости оперативно узнаем в нашем телеграм-канале.