Яндекс.Метрика

29 ноября, 2009

Tatar yәşlәre kөnnәrendә qatnaşuçılar Ul`yanovski şәhәre belәn tanıştı — “Tatar-inform” MA

Исхак Хәлимов

(Ul’yanovski, 19 iyul’, “Tatar-inform”, İsxaq Xәlimow). Uncidençe tapqır oyıştırılğan Tatar yәşlәre kөnnәrendә hәm İdel buyı federal’ okruğı mөselman yәşlәreneņ berençe festivalendә qatnaşuçı 150гә yaqın yeget-qız kiçә Ul’yanovski şәhәrendә bulıp kittelәr.
Samara qalasınnan kilüçe “Boris Polevoy” teploxodın Ul’yanovskinıņ yılğa portında “Sember” xalıq ansamble qızları tatar cır-biyulәre hәm çәkçәk, ipi-toz belәn qarşı aldılar. Ә gubernator administratsiәse, өlkә Xөkümәteneņ yәşlәr eşlәre buyınça ministrlığı, cirle milli-mәdәni moxtәriәt hәm tөbәk mөftiәte wәkillәre tatar-mөselman yәşlәrenә qaynar sәlәmnәren citkerep, izge sәfәrlәreneņ uņışlı buluın telәdelәr.
— İdel buyı өlkә-respublikalarında yәşәwçe yәşlәrneņ şundıy oçraşuların yışraq oyıştırası ide. Sөenmi mөmkin tügel: bu çarada qatnaşuçı yegetlәr hәm qızlar yәş buınğa ruxi-әxlaqi tәrbiә birü yulların bilgelәwne üzlәrenә tөp maqsat itep quyğannar, — dide Ul’yanovski өlkәseneņ yәşlәr eşlәre buyınça ministrı urınbasarı Vyaçeslav Dolgin.

Ә Rossiә tatarlarınıņ federal’ milli-mәdәni moxtәriәte rәise urınbasarı Rimzil Wәliew Sember qalasında ğomer kiçerüçe millәttәşlәrebezneņ uņışlarına soqlanuın belderep, әlege çarada qatnaşuçılarnı ifrat ta cılı qarşı alğan, qunaqçıllıq kürsәtkәn өçen өlkә moxtәriәtenә rәxmәten yulladı.
Annarı mөxtәrәm qunaqlarnı Ul’yanovski şәhәreneņ istәlekle urınnarı buyınça ekskursiә kөtә ide. Әlbәttә inde, Lenin Memorial’ kompleksı hәm V.İ.Ul’yanov-Leninnıņ muzey-yortı Rossiәneņ tөrle poçmaqlarınnan kilgәn yәşlәrdә zur qızıqsınu tudırdı.

Ul’yanovskinıñ Cәmiğ mәçetendә şәhәrebezneņ tatar-mөselman cәmәğәtçelege wәkilläre belәn oçraşu da eçtәlekle itep oyıştırılğan ide. Mәçetneņ baş imam-xatıybı Rөstәm xәzrәt Safin ğibadәtxanәneņ tarixı turında tәfsillәp sөylәde.
— Şөker, namazlarğa yөrüçe yәş ir-yegetlәr sanı yıldan-yıl arta bara. Bügen şәhәrebez mәçetlәrendә eşlәwçe imamnarnıņ da küpçelegen yәşlәr tәşkil itә, — dide Rөstәm xәzrәt.

Millәtpәrwәr yegetebez İldar Usmanov Ul’yanovski Tatar yәşlәre üzәgeneņ eşçәnlege belәn tanıştırıp ütte. Bu oyışmanıņ, çınlap ta, ğorurlanıp sөylәrlek eşlәre şaqtıy – yartı yıl eçendә “Min tatarça sөylәşәm!” aksiәse, “Tatar yegete” bәygese hәm yәşlәr өçen Sabantuy bәyrәme ütkәrergә өlgerdelәr. Өlkә moxtәriәte rәise Rәmis Safin isә Sember tatarlarınıņ soñğı yegerme yıldağı qazanışları xaqında bәyәn itte.
İlebezneņ törle poçmaqlarınnan kilgәn yeget-qızlar da uy-fikerlәre belәn urtaqlaştılar.
“Boris Polevoy” teploxodı Semberdәn Tatarstannıņ Alabuğa şәhәrenә yul tottı.

tatar-inform.ru