Яндекс.Метрика

2 апреля, 2010

Татар яшьләр киңәште — «Өмет» газетасы, №45(877), 2006 ел

Быелның башыннан бирле Татар мәдәни үзәге каршында «Яңа йолдыз» дип исемләнгән яшьләр оешмасы эшләп килә. Бүген ул кырыктан артык егет һәм кызны берләштерә. Ә якын киләчәктә татар милләтеннән булган барлык яшьләрне дә үз канаты астына җыю максатын куя.
Шушы көннәрдә генә «Яңа йолдыз» узенең чираттагы җыелышын үткәрде. Оеманың җитәкчесе Ринат Садыйков алда торга мөһим бурычлар хакында тәфсилләп сөйләде.
— Күптән түгел шәһәр мэриясе «Октябрь» кинотеатрын өлкэ татар милли-мәдәни автономиясе карамагына тапшырды. Киләчәктә бу бинада Татар мәдәни үзәген урнаштыру күздә тотыла, хәзер анда ремонт бара. Мәдәни үзәгебез тулы көченә эшли башласа, яшьләр белән төрле җыелышлар, күңел ачу чаралары, татарча дискотекалар оештыру мөмкинлеге күпкә артыр иде,- диде Р. Садыйков.

Җыелышта оештыру мәсьәлэләре дә хәл ителде. Иң элек оешма эшчәнлегенең төрле юнәлешләре буенча берничә сектор булдырылды. Мәсәлән, мәдәни һәм күңел ачу чараларын оештыру, җәмәгатьчелек белән элемтәдә тору, шулай ук мәгълүмат бүлекләре эшләячәк.

«Яңа йолдыз»ның җитәкче органына, ягъни башкарма комитетына, әлбәттә инде, аеруча актив егетләр һәм кызлар сайланды. Ринат Садыйков, Марсель Ибраһимов, Эльвира Низаметдинова, Эльвира Шайхаттарова, Гүзәл Гыйльманшина, Гөлия Алимова — барлыгы 12 кеше башкарма комитетны әйдәп барачак. Иң мөһиме — алар татар яшьләренең милли узаңын үстеру, яңа гьша мөстәкыйль тормыш юльша аяк баскан милләттәшләребезне бергә туплау өстендә жиң сызганып эшләргә әзер.

Рафаэль ДӘВӘТАЕВ,
Ульяновск шәһәре.