Яндекс.Метрика

Сабантуй в Ульяновском районе 2012 г.(фоторепортаж)

3 июня, 2012

… Сабантуйга сандугачлар кушылып сайрады — «Өмeт» газeтасы, №24(1170) Житель поселка Ишеевка Сагит Бадретдинов делиться впечатлениями о прошедшем Сабантуе(2. 06. 2012 г.)

Сәгыйть БӘДРЕТДИНОВ

Икенче июнь иртәсендә җылымса назлы нурларын сибә-сибә офыктан алсу кояш күтәрелеп килгәндә урман-бакчаларда кошлар тавышы тынып калган сыман тоелды. Гүя, алар, зур бәйрәмдә сайрарга әзерләнеп, коч җыярга туктаганнар. Ә бу вакытта үзара гөлдер-гөлдер сөйләшә-сөйләшә, дәртле елмая-көлә, дистәләрчә, юк, йөзләрчә кешеләр, кайсылары җәяүләп, икенчеләре җиңел машиналарында җилтерәтеп, зур бәйрәм буласы аланлыкка агылды.

Ике ягыннан күккә үрелгән ямь-яшел каеннар полосалары белән кочакланган, өченче ягыннан салмак кына агып ятучы моңсу Зөя ярлары өстенә җәелгән бу аланлык мондый кунакларын үз гомерендә әле өченче тапкыр гына каршылый. Әйе, үзендә әллә ничә милләт вәкилләрен туплаган Ишеевка эшчеләр бистәсе халкы биредә әлегәчә Сабантуйлар үткәрелгәнен хәтерләми. Хәзер инде ошбу олы һәм күркәм бәйрәм Ульяновск районы тарихына язылып баручы традициягә әйләнеп килә шикелле.

…Ишеевканын атлы спорт мәктәбе аланлыгы өстеннән бөтен тирә-юньгә халкыбызның төрледән-төрле җырлары агылды. Берничә мең кешене кабул итәрлек бу табигать кочагы, татарларның борын-борыннан килгән Сабан туе гореф-гадәтләренә тәңгәл китереп, менә дигән иттереп бизәлгән. Бәйрәмгә килүчеләрне чын мәгънәсендә ял иттерү өчен генә шартлар тудырылмаган! Сәнгатьне сөюче олы һәм кече яшьтәге үзешчәннәр, артистлар чыгышына җайлаштырып сәхнәләр корылган. Татарча көрәш, бүрәнә өстендә капчык белән сугышу, гер күтәрү, көянтәләргә элгән су тулы чиләкләр белән йөгерү, багана башына үрмәләү, капчыклар киеп чабу, табактагы катыкка башны чумырып тел белән тимер акча эзләү һәм башка төр кызыклы уеннар буенча ярышулар дисеңме — халык, бер урыннан икенчесенә ашыгып, берсен дэ күрмичә калмаска тырышты. Әйе, аны яраткан спорт төрләреннән булган татар милли көрәше һәм атлар чабышы күбрәк җәлеп итте. Тик шулай да Сабан туе кунакларының күпчелек өлешен сәхнәдән чыгыш ясаучы үзешчәннәр һәм артистлар җыеп алды. Дөресрәк итеп әйткәндә, Сабан туен ачып җибәргәч, үзәк сәхнәдәге микрофон алдына өлкәбез татарларының егерме елдан бирле яратып, ихтирам итеп килгән журналист егете, хәзерге вакытта губернатор һәм өлкә Хөкүмәте башлыгы киңәшчесе Рамис Сафин чыгып басуга, аның котлау сүзләрен тыңларга сәхнә алдына меңләп диярлек кеше ябырылды. Аңардан соң милләттәшләребезне күренекле җырчылар Әлфия Рамазаңова, Рамил Айметдинов, Ләйсән Садыйкова, Илдар Насыйров, Римма Мөхәммәтжанова һәм башка яшь талантлар, сихерләгәндәй, үзләренә тартып тордылар.
Сабан туе программасын саф татар телендә алып баручы кызга карап, янәшәмдәге танышым Вахит Әхмәтжанов:

— Их, тавышы, малай! Чиш-мәләрдән көмеш сулар агамы!- дип куйды.
— Нәкъ чишмә кызы да инде ул. Телевизордан «Чишмә» тапшы-руларын алып баручы Рамилә Сафина бит,- дип сөйли башлаган иде Фәрзәниясе, Вахиты үпкәләп тә алды, күрәсең.
— Ату белмим, әйтмәсәң,- диде ул, мишәрчәләп.
Әлеге Сабан туеның тагын бер сокланырлык уңышлы ягын әйтми мөмкин түгел. Барлык авыллардан диярлек җыелган халык осталары милләтебезнең мең еллар буена сакланып килгән киемнәрен, чигешләрен, мәдәният һәм сәнгать, йорт җиһазлары һәм бизәнү әйберләрен, уенчыкларны һәм традицион йөзләрчә ашамлыкларны үз куллары белән әзерләп алып килгәннәр.
Татарлар гына түгел, хәтта мордва, чуаш милләтләре вәкилләре дә безнеңчә ясалган бик күп әйберләр китергәннәр. Аланлыкның әллә ничә җирендә төрле күргәзмәләр корганнар иде. Тарихи музейлар диярсең!
Гадәттә, һәр Сабан туеннан соң үзе күрми йә ишетми калучылар:
— Быел кем батырга калды?- дип сорыйлар.
Ульяновск районының үз көрәшчеләре быел да читләрдән җиңдермәделәр. Кечерәк яшьтәге һәм авырлыктагы батырларның исемнәрен бу юлы атап тормыйбыз. Иң көчле һәм сәләтле егетләр — Ранис Абәйдуллов (80 килограммга хәтле) һәм Руслан Сөбханкулов (80 килограммнан авыррак) Сабан туе батырлары исеменә лаек табылды. 17 яшьлек Ранис — Олимпиада резервының физкультура техникумы студенты, татарча көрәш буенча спорт мастерлыгына кандидат. Сабантуй мәйданында ул менә өч ел инде көрәшеп килә. Ун тапкыр төрле районнарда батырга калды. Руслан да үзебезнең Ишеевка егете. Мал-табар хезмәте белән шөгыльләнә.
Әйе, бу кечкенә генә язмада бик күп җирләрдән җыелган халыкның, нәкъ җырда җырланганча, уйнап- көлеп, җырлап-биеп, җаны-тәне белән рәхәтләнеп күңел ачуын, ял итүен сөйләп бетерүе мөмкин түгел. Шунлыктан, сүземне бер эпизод белән тәмамлыйсым килә.
Бер төркем дус-ишләр белән алдарак әйтеп үткән урман полосасы эчендәге каеннар астында тәмләп чәй эчеп утырдык. Шул чакта кошлар тавышларын ишетсәгез иде! Иртән, гүя, ялга туктаган барлык сандугачлар да, Сабан туе өстендә агылган гармуннарга, җыр-моңга кушылып, көне буе сайрадылар да сайрадылар…

Сабантуй в «Прибрежном». Ульяновск. 2012 г.(фоторепортаж и видео)
Сабантуй в Шигирданах(видео)
График сабантуев Ульяновская область2012(фото). Вход строго по калькуляторам
Иске Кулаткы районы Сабантуе(фоторепортаж)
Сабантуй в «Винновской роще» 2012 г.(фоторепортаж и видео)


Сабантуй в



30 май - Ульяновск өлкәсе татарларының I нче корылтае.
Киләсе атнаның чәршәмбесендә, 30 майда, Ульяновск шәһәрендә өлкәбез татарлары вәкилләренең беренче корылтае узачак. Бөтенхалык съезды татар бизнесменнарының «Сембер» клубы, Ульяновск өлкә татар милли-мәдәни автономиясе, Ульяновск өлкәсе мөселманнарының региональ диния нәзарәте, яшьләрнең «Яңа дулкын» иҗтимагый оешмасы, «Ак калфак», «Болгар яңарышы», «Туган тел» милли иҗтимагый хәрәкәтләре һәм башка татар оешмалары инициативасы буенча үткәрелә.

Исегезгә төшереп үтәбез: корылтай - татар милләтенең гомумхалык съезды ул. Әлеге чара милләтләр һәм диннәр арасындагы элемтәләрне ныгытырга, эчке һәм тышкы проблемаларны хәл итүгә, мәңгелек рухи-әхлакый кыйммәтләрне - тынычлык, игелек һәм гаделлек принципларын алга сөрергә булышлык күрсәтәчәк. Төрки халыкларда корылтай үткәрү традициясе 12 нче гасырдан бирле яшәп килә.
Ульяновск өлкәсе татар җәмәгатьчелеге вәкилләренең съезды Россия Федерациясе территориясендә милли традицияләрне саклап калу, толерантлыкны һәм халыклар фасындагы дуслыкны ныгыту, милләтара мөнәсәбәтләрне камилтәштерү һәм татар җәмгыятьләре- 1ең илебез иминлеге хакына эшләүләре мәсьәләсе хакында фикер алышуга багышланачак. Өлкә татарлары )әкилләренең беренче корылтаена Ульяновск губернаторы, өлкә Хөсүмәте әгъзалары һәм Татарстан Ресгубликасы җитәкчеләре чакырулы.
Корылтайны оештыру комитетының чәршәмбе көнне, 23 майда, узган утырышында мөһим чараның программасы расланды. Очрашуны Ульяновск өлкәсе мөселманнарының региональ дини идарәсе рәисе, мөфти Сәүбән хәзрәт Сөләйманов дога белән башлап җибәрәчәк. Аннары Ульяновск •лкәсе һәм Татарстан Республикасы акимиятләре вәкилләренең :ыгышлары көтелә. Сәламләү үзләреннән соң, корылтайны оештыручыларның берсе - «Сембер» бизнес-клубы президенты Радик Гафуров «Ульяновск өлкәсендә татар бизнесының үсеше. Татарстан Республикасы белән экономик хезмәтгәшлек мәсьәләсе» темасын юыртачак. Ә Ульяновск өлкәсе мөфтие Сәүбән хәзрәт Сөләйманов кКчуриннар мәчетен, ягъни Федерация урамындагы 33 нче йортны татар-мөселман халкына кайтару һәм шәһәребездә Җәмигъ мәчете төзү өчен җир участогы үлеп бирү мәсьәләсен күтәреп чыгачак икән. Оештыру комитеты рәисе Радик Гафуров әнә шул хакта хәбәр итте. Аннары «Ак калфак» оешмасы рәисе Асия хаҗия Мөлекова «Татар гаиләсен саклап калу һәм үсеше» темасына уй-фикерләре белән бүлешәчәк. Ульяновск өлкәсе губернаторының милли мәсьәләләр буенча киңәшчесе, өлкә татар автономиясе рәисе Рамис Сафин «Ульяновск өлкәсендә татар телен һәм мәдәниятен саклап калу» темасына тукталырга җыена. «Болгар яңарышы» мәгърифәтчелек оешмасы рәисе Шәүкәт Богданов чыгышының темасы да билгеле - «Идел Болгарстаны территориясендә студент яшьләр өчен археологик казулар алып бару программасын тормышка ашыру. Идел Болгарстаны тарихы буенча дәреслек булдыру» дип атала ул. Ульяновск өлкәсенең татарча көрәш федерациясе президенты Фәнис Заббаров исә милли спортның шушы төрен үстерүгә бәйле проблемалар хакында бәян итәчәк. «Туган тел» мәгърифәтчелек оешмасы рәисе урынбасары Айрат Ибраһимов та татар теленең, гомумән, милләтебезнең бүгенге хәле һәм киләчәк язмышы турында нотык тотарга әзерләнә. Татар яшьләренең «Яңа дулкын» җәмгыяте лидеры Тимур Галеев өлкәбездә татарча радио ачып җибәрү кирәклеге турында сөйләячәк. Чыгышлар тәмамлан-ганнан сон, тамаша залыңда «ирекле микрофон»нар эшләячәк.
Төшке аштан соң, Татарстанның Этнә дәүләт драма театры артистлары корылтай делегатлары игътибарына танылган драматург Туфан Миңнуллинның «Мулла» дип исемләнгән спектаклен тәкъдим итәчәкләр. Спектакль 14 сәгать 30 минутта башлана.
Хөрмәтле милләттәшләр! Оештыру комитеты сезне барыгызны да беренче өлкә татар корылтаена чакыра. Корылтай 30 май көнне Ульяновск шәһәренең Татар мә-дәнияте үзәге бинасында (Нариманов пр-ты, 25) үтәчәк. Тел.: 8- 903-337-29-64, 8-908-474-12-26.

Видео с 1го курултая татар Ульяновской области

09:00 - 09:30 - Фойе Центра татарской культуры, регистрация участников, гостей.
09:45 - Площадь ЦТК - Возложение цветов к памятнику болгарского(татарского) поэта-гуманиста XIII века Кул Гали.

10:00-10:05 - Зрительный зал ЦТК - Открытие - Муфтий РДУМ Ульяновской области Сулейманов Саубян-хазрат Юнусович.

10:05-10:15 Приветственное слово Губернатора Ульяновской области Морозова Сергея Ивановича.
10:15-10:30 Приветственное слово Представителя Правительства Республики Татарстан
10.30-10.35 Выступление Президента УОООТБ «Сембер» Гафурова Радика Мансуровича - «Развитие татарского бизнеса в Ульяновской области. Вопросы экономического сотрудничества с Республикой Татарстан»
10.35-10.40 Выступление Муфтия РДУМ Ульяновской области Сулейманов Савбян Юнусович «Вопрос о возвращении мечети на ул. Федерации, 33. Выделение земельного участка под строительство Соборной мечети», «Выделение средств на издание Ульяновской областной мусульманской газеты», «Выделение 20 минут на Ульяновской радиостанции для пятничного Вагаза на татарском и русском языках»
10.40-10.45 Выступление Председателя женского любительского объединения «Ак калфак» - «Проблемы сохранения и развития татарских семей»
10-4510-50 Выступление Председателя родительского комитета лицея №91 с татарским этно-культурным компонентом Ильгизяра Зиатдинова – «Проблемы сохранения национальных школ»
10-5511-00 Выступление Советника Губернатора Ульяновской области по национальным вопросам, Председателя Исполкома Ульяновской областной национально-культурной автономии Рамиса Фаруковича Сафина – «Сохранение татарского языка в школах Ульяновской области» «Перспектива развития школы с татарским этнокультурным компонентом»
11.00-11.05 Выступление Председателя Совета Ульяновской городской просветительской общественной организации «Булгарское возрождение» Богданова Шевкида Медихатовича – «Реализация программы археологических раскопок для студенческой молодежи на территории Волжской Булгарии», «Создание учебника по истории Волжской Булгарии»
11.05-11.10 Выступление Президента Федерации по татарской борьбе «Куреш» Зяббарова Фаниса Хатыповича- «Проблемы развития татарской борьбы Куреш»
11.10-11.15 Выступление Председателя УОТМОО «Яна дулкын» Галлеева Тимура Равилевича – «Перспективы развития татарского радио в Ульяновской области»
11.15-11.20 Выступление заместителя Председателя Ульяновского областного татаро-башкирского общественного движения «Туган тел» Айрата Ибрагимова
11.20-12-45 Свободный Микрофон.
12.45 Закрытие пленарного заседания, чтение резолюции
13.00-14.30 Столовая СОШ № 28, (доставка на автобусах) Обед
14.30- 16.30 Зрительный зал Центра татарской культуры Показ спектакля «Мулла» Атнинский государственный драматический театр (Республика Татарстан, Атнинский р-н, с. Большая Атня)
16.30 Отъезд участников
Программа ульяновского областного курултая татарского народа