Ulyanovskta yäşäswçe tatarlarğa “Tatar radiosı” kiräk – “intertat”
04.09.2009
Küptän tügel genä Ulyanovsk şäһärendä Bötendönya tatar yäşlәre Forumı Bürosınıñ kiñätelgän küçmä utırışı uzdı. Biredä yäşlär “Tatar yäşläre ictimaği oyışmaları һäm cirle xakimiät organnarı arasındağı üzara bäyläneş” dip isemlängän tügäräk östälgä cıyıldı. Tügäräk östäldä qatnaşuçılar tatar yäşläre ictimaği oyışmalarınıñ cirle xakimiät organnarı belän eşçänlegen däwam itterü, törle millät wäkillärenä qarata tolerantlı mönäsäbät buldıruğa nigezlängän grajdanlıq cämğiäten formalaştıruğa yäşlärne cälep itü qararın çığardı. Şulay itep, utırışta qatnaşuçılar tarafınnan tübändägelär täqdim itelde:

1) tatar yäşläre ictimaği oyışmaların üsterü buyınça täqdimnär buldıru,

2) tatar yäşläre ictimaği oyışmaları eşçänlegeneñ uñışlı formaların analizlaw,

3) xakimiät organnarı yärdäme belän tatar yäşläre ictimaği oyışmaların üsterü,

4) tatar yäşläre ictimaği oyışmaları üseşeneñ iñ yaxşı ürnäklären һäm eşçänlekneñ yunäleşen, formaların, metodların, näticälären tabu,

5) massaküläm mäğlümat çığanaqlarında tatar yäşläre ictimaği oyışmalarınıñ, şul isäptän Ulyanovsk ölkäsendäge “Yaña dulqın” oyışması eşçänlegen yaqtırtu,

6) Ulyanovsk ölkäsendä yäşäwçe millättäşlärebezneñ milli-mädäni ixtiyacların isäpkä alıp, Ulyanovsk ölkäsendä radiotapşıru oyıştıru üteneçe belän “Tatar radiosı” radiostansiäse citäkçelegenä möräcägat yullau,
7) BTYaF bülekçäse bulğan Ulyanovsk ölkäseneñ “Yaña dulqın” tatar yäşläre ictimaği oyışmasınıñ aktiv һäm näticäle eşçänlegen isäpkä alıp, bu oyışmanıñ aktiv yäşlären Ulyanovsk ölkäseneñ yäşlär parlamentına һäm yäşlär xakimiätenä cälep itü üteneçe belän Ulyanovsk ölkäse citäkçelegenä möräcäğat itü.
intertat.ru

Новости оперативно узнаем в нашем телеграм-канале.